VI BAKI KİTAB BAYRAMI KEÇİRİLMİŞDİR
Azərbaycan Xalq Cümhuriyyətinin 88-ci ildönümünə həsr olunmuş tədbirdə iştirakçılar həm dövlət, həm də özəl nəşriyyatların yeni çap məhsulları, jurnal, qəzet nömrələri ilə tanış olmuşlar.
Milli kitabxananın direktoru Kərim Tahirov, Yeni Yazarlar və Sənətçilər Qurumunun sədri Aydın Xan, respublika Gənclər Təşkilatları Milli Şurasının sədri Fuad Muradov və başqaları kitab bayramının keçirilməsinin əhəmiyyətindən, perspektiv və problemlərindən danışmışlar.
Sonra 28 nominasiya üzrə qaliblərə diplomlar və xatirə hədiyyələri təqdim olunmuşdur. Təşkilat Komitəsinin qərarına əsasən, M.F.Axundov adına Milli Kitabxana, Azərbaycanda Atatürk Mərkəzi, Türkiyənin ölkəmizdəki səfirliyinin mədəniyyət müşaviri Fəthi Gədikli, “Yayım” Assosiasiyası, “Kitab” Cəmiyyəti və Miniatür Kitablar Muzeyi VI Bakı kitab bayramının fəxri fərmanı ilə mükafatlandırılmışlar.
Bölmənin digər xəbərləri
