Vinisiusu təhqir edən futbolçu 6 oyunluq cəza alıb
Bakı, 24 aprel, AZƏRTAC
Portuqaliyanın “Benfika” klubunun futbolçusu Canluka Prestianni intizam qaydalarını pozduğuna görə cəzalandırılıb.
AZƏRTAC UEFA-nın rəsmi saytına istinadən xəbər verir ki, qərara əsasən, argentinalı yarımmüdafiəçi irqçi təhqirlərə görə 6 oyunluq diskvalifikasiya olunub. Cəzanın 3 oyunu şərti tətbiq ediləcək.
İnsident fevral ayında UEFA Çempionlar Liqasının pley-off mərhələsində “Benfika” və “Real Madrid” arasında keçirilmiş ilk matçda baş verib. Həmin görüşdə Prestianni Vinisius Junioru “meymun” adlandıraraq təhqir edib.
Qeyd olunub ki, UEFA cəzanın yalnız avrokubok oyunları ilə məhdudlaşmaması üçün FIFA-ya müraciət etməyi planlaşdırır.
Bölmənin digər xəbərləri
