Vüsalə Qurbanova: “IT SkillSprint” proqramı məzunlarının 29 faizi artıq işlə təmin olunub
Bakı, 17 iyul, AZƏRTAC
Altı ay davam edən “IT SkillSprint” proqramı uğurla başa çatıb və artıq məzunların təxminən 29 faizi işlə təmin olunub.
AZƏRTAC xəbər verir ki, bu sözləri İnnovasiya və Rəqəmsal İnkişaf Agentliyinin (İRİA) Rəqəmsal Səriştələrin İnkişafı departamentinin müdiri Vüsalə Qurbanova Ali təhsil müəssisələrində rəqəmsal bacarıqlar üzrə beynəlxalq təhsil proqramı olan - “IT SkillSprint”in bağlanış mərasimində jurnalistlərə açıqlaması zamanı deyib.
O bildirib ki, layihə universitet–sənaye–dövlət əməkdaşlığına əsaslanan və beynəlxalq praktikada “Triple Helix” modeli kimi tanınan yanaşma əsasında həyata keçirilib.
“Proqramı uğurla başa vuran tələbələrin “Ironhack” platformasında əldə etdikləri bilik və bacarıqlar ali təhsil aldıqları universitetlər tərəfindən tanınacaq və onların təhsil proqramının bir hissəsi kimi kreditləşdiriləcək”, - deyə departament müdiri qeyd edib.
Fotoqraf - Səfiyar Məcnun
Bölmənin digər xəbərləri
