Xaçmaz sakini qayınata və qayınanasını öldürüb
Xaçmaz, 18 sentyabr, Elxan Yusifli, AZƏRTAC
Sentyabrın 18-i səhər saatlarında Xaçmaz rayonunun Ləcət kəndində qətl hadisəsi baş verib.
AZƏRTAC-ın bölgə müxbiri xəbər verir ki, rayonun Seyidlikəndyeri kənd sakini, 46 yaşlı Rəhman Osmanov ailə münaqişəsi zəminində ov tüfəngi ilə qayınanası və qayınatasını güllələyib. R.Osmanovun qayınanası 57 yaşlı Sona Yunusova aldığı xəsarətlərdən yerindəcə ölüb. Qayınatası Beykəs Yunusov isə təcili tibbi yardım avtomobili ilə Xaçmaz Rayon Mərkəzi Xəstəxanasına çatdırılıb. Həkimlərin səyinə baxmayaraq, yaralının həyatını xilas etmək mümkün olmayıb.
R.Osmanov artıq şübhəli şəxs qismində saxlanılıb.
Faktla bağlı Xaçmaz rayon Prokurorluğunda cinayət işi açılıb, araşdırmalar davam etdirilir.
Bölmənin digər xəbərləri
