Xaçmazda kanalda boğulan uşağın meyiti tapılıb
Xaçmaz, 12 iyun, Elxan Yusifli, AZƏRTAC
Xaçmaz rayonunun Armudpadar kəndi ərazisində Xanarxı kanalında boğulan 10 yaşlı uşağın meyiti tapılaraq aidiyyəti üzrə təhvil verilib.
AZƏRTAC-ın bölgə müxbiri xəbər verir ki, 2013-cü il təvəllüdlü Pirsaatov Məhəmməd Elsevər oğlu iyunun 11-i günorta saatlarında həmyaşıdı ilə kanalın kənarında oynayarkən suya düşüb.
Axtarış-xilasetmə əməliyyatlarında Fövqəladə Hallar Nazirliyinin Şimal Regional Mərkəzi, Dövlət Yanğından Mühafizə, Xüsusi Riskli Xilasetmə, Kiçikhəcmli Gəmilərə Nəzarət və Sularda Xilasetmə Dövlət xidmətləri və Mülki müdafiə qoşunlarının müvafiq qüvvələri iştirak edib.
Məhəmməd Pirsaatovun meyiti gecə saatlarında kanala düşdüyü ərazinin yaxınlığındakı beton su borusunun içindən tapılaraq aidiyyəti üzrə təhvil verilib.
Qeyd edək ki, Məhəmməd Pirsaatov Xaçmaz şəhər Cəfər Cabbarlı adına 6 saylı tam orta məktəbin 4-cü sinif şagirdi idi.
Bölmənin digər xəbərləri
