XAÇMAZDA SUTƏMİZLƏYİCİ QURĞULAR QOYULACAQDIR
AZƏRTAC xəbər verir ki, Xaçmaz Rayon Gigiyena ve Epidemiologiya Mərkəzi (GEM) istirahət mövsümünün başlanması ilə əlaqədar dənizin ən çox istifadə olunan 3 sahəsində yoxlamaları davam etdirir. Niyazoba, Müqtədir və sahilyanı ərazilərdə may ayından başlayaraq dəniz suyunun tərkibi ayda iki dəfə yoxlanılır. Hələlik suda bağırsaq çöpləri aşkar edilməmişdir.
Xaçmaz GEM-in direktoru B.Haqverdiyevin verdiyi məlumata görə, ayda bir dəfə dəniz suyundan götürülən nümunələr ekspertiza üçün Bakıya göndərilir. Həmçinin çimərliklərdə və istirahət yerlərindəki zibilxanaların təmizlənməsi üçün yerli bələdiyyələrə tapşırıq verilmişdir. Dənizə axıdılan çirkab sularının qarşısının alınması məqsədi ilə Rusiya sərhədindən Müqtədir qəsəbəsinə qədər olan məsafədə sutəmizləyici qurğular qoyulacaqdır.
Yoxlamalar oktyabradək davam edəcəkdir.
Bölmənin digər xəbərləri
