XALQ ARTİSTİ ABDULLA BABAYEVİN YUBİLEY GECƏSİ KEÇİRİLMİŞDİR
Filarmoniyada AZƏRTAC-ın müxbirinə bildirmişlər ki, Naxçıvan Muxtar Respublikası Ali Məclisi sədrinin müavini Zahid Əzimov Ali Məclisin sədri Vasif Talıbovun adından yubilyarı təbrik etmiş, ona qiymətli xatirə hədiyyəsi təqdim etmiş, yaradıcılıq uğurları arzulamışdır.
Muxtar Respublika Baş nazirinin müavini Təranə Quliyeva da yubilyarı təbrik etmiş, onun şərəfli həyat yolundan ətraflı danışmışdır.
Naxçıvan Dövlət Filarmoniyasının direktoru, əməkdar incəsənət xadimi Arif Quliyev, bədii rəhbər Zöhrab Axundov və başqaları Abdula Babayevi 80 illik yubiley münasibətilə təbrik etmiş, onun Azərbaycan musiqisinin inkişafındakı xidmətindən bəhs etmişlər.
Axırda yubilyar ona göstərilən diqqət və qayğıya görə Muxtar Respublika rəhbərliyinə, tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
