XALQ YAZIÇISININ YUBİLEYİ QEYD OLUNMUŞDUR
Xalq yazıçısı, AYB-in sədri Anar mərasimi açaraq, Yusif Səmədoğlunun Azərbaycan ədəbiyyatında və mətbuatında xidmətlərindən, onun ədəbi yaradıcılığının bəzi məqamlarından, redaktorluq fəaliyyətindən danışmışdır. Bildirmişdir ki, ötən əsrin 50-ci illərində ədəbiyyata gələn, ilk hekayələri ilə ədəbi ictimaiyyətin diqqətini cəlb edən Yusif Səmədoğlu “220 nömrəli otaq” və “Qalaktika” adlı hekayə kitabları ilə özünün bir yazıçı kimi püxtələşdiyini sübut etmişdir. Yazıçı sonralar çap etdirdiyi ilk iri həcmli “Qətl günü” romanını yazmaqla çağdaş ədəbiyyatımızın şah əsərlərindən birini yaratmışdır.
Yazıçılar birliyinin katibləri xalq şairi Fikrət Qoca, xalq yazıçısı Çingiz Abdullayev, “Ədəbiyyat qəzeti”nin baş redaktoru Ayaz Vəfalı və başqaları Y.Səmədoğlunun yaradıcılığının müxtəlif sahələrindən söz açmış, onunla bağlı xatirələrini söyləmişlər.
Xalq şairi, Milli Məclisin deputatı Vaqif Səmədoğlu qardaşının xatirəsinə göstərdikləri diqqət və ehtirama görə, Yusif Səmədoğlunun ailəsi adından tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
