XARİCİ İŞLƏR NAZİRLİYİNİN MƏTBUAT MƏRKƏZİ XƏBƏR VERİR
Oktyabrın 22-də Azərbaycan Respublikasının xarici işlər naziri Vilayət Quliyev Səudiyyə Ərəbistanı Krallığının Azərbaycandakı fövqəladə və səlahiyyətli səfiri Əli Həsən Cəfəri qəbul etmişdir.
Görüş zamanı səfir Əli Həsən Cəfər ölkəsi ilə Azərbaycan arasında münasibətlərin daha da genişlənməsinə böyük əhəmiyyət verdiyini qeyd etmiş və ölkələrimiz arasında səmərəli əməkdaşlığın davam etdirilməsinə tərəfdar olduğunu vurğulamışdır. Səfir Prezidentin icra aparatının beynəlxalq əlaqələr şöbəsinin müdiri Novruz Məmmədovun başçılıq etdiyi Azərbaycan nümayəndə heyətinin hazırda Səudiyyə Ərəbistanı Krallığında səfərdə olmasından söhbət açmış və bu səfərin iki ölkə arasında əlaqələrin daha da möhkəmlənməsinə xidmət edəcəyinə əmin olduğunu bildirmişdir.
Öz növbəsində nazir Vilayət Quliyev ölkələrimizin münasibətlərini yüksək qiymətləndirmiş və ikitərəfli əlaqələrin daha da inkişaf edəcəyinə ümid etdiyini vurğulamışdır.
Sonra nazir Vilayət Quliyev və səfir Əli Həsən Cəfəri son günlər Yaxın Şərqdə baş verən hadisələrə dair fikir mübadiləsi aparmışlar.
Görüşdə qarşılıqlı maraq doğuran bir sıra məsələlər də müzakirə edilmişdir.
Bölmənin digər xəbərləri
