Xersona 440-a yaxın mərmi atılıb: ölənlər və yaralananlar var
Kiyev, 1 aprel, AZƏRTAC
Rusiya ordusu ötən gün Xerson vilayətini 54 dəfə atəşə tutub. Düşmən ağır artilleriya, aviasiya və “Qrad”lardan 439 mərmi atıb.
Bu barədə AZƏRTAC Xerson vilayətinin hərbi administrasiyasının başçısı Aleksandr Prokudinin telegram-kanalına istinadla xəbər verir. Onun sözlərinə görə, işğalçılar Xerson şəhərinə 5 dəfə hücum ediblər. Atılan mərmilərin 27-si şəhərin yaşayış məhəllələrinə, fərdi evlərə və çoxmənzilli binalara düşüb. Hücum nəticəsində 3 mülki şəxs həlak olub, 2 nəfər yaralanıb.
Bundan əlavə, martın 31-də Xerson vilayətinin işğal olunmuş ərazisindən 91 mülki şəxs təxliyə edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
