Xızıda “Azərbaycan Dəmir Yolları” QSC-yə məxsus binada yanğın baş verib
Bakı, 27 fevral, AZƏRTAC
Xızı rayonunun Yaşma kəndində “Azərbaycan Dəmir Yolları” QSC-yə məxsus, ümumi sahəsi 80 kvadratmetr olan binada yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə nəticəsində binanın bir otağında döşəmə və avadanlıq, digər otağında kondisioner, iki şkaf və pəncərə çərçivəsi yanıb. Binanın qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Bölmənin digər xəbərləri
