Xocalı faciəsinin 21-ci ildönümünə həsr olunmuş “dəyirmi masa” və sərgi keçirilmişdir
Bakı, 26 fevral (AZƏRTAC). Cəfər Cabbarlının ev-muzeyində Xocalı faciəsinin 21-ci ildönümünə həsr olunmuş “dəyirmi masa” keçirilmişdir.
Muzeydən AZƏRTAC-a bildirmişlər ki, tədbir Cəfər Cabbarlının ev-muzeyinin və Firudin bəy Köçərli adına Respublika Uşaq Kitabxanasının 1 nömrəli filialının birgə təşkilatçılığı ilə keçirilmişdir.
“Dəyirmi masa” iştirakçıları Xocalı faciəsinin qurbanlarının xatirəsini bir dəqiqəlik sükutla yad etmişlər.
Daha sonra muzeyin direktoru Qəmər Seyfəddin qızı, Firudin bəy Köçərli adına Respublika Uşaq Kitabxanasının 1 nömrəli filialının direktoru Fərqanə Quliyeva və muzeyin işçiləri Xocalı soyqırımı ilə bağlı yazılmış əsərlər haqqında məlumat vermişlər.
Tədbirdə Xocalı faciəsini əks etdirən “Xocalı həqiqətləri” mövzusunda sərgi nümayiş olunmuşdur.
Bölmənin digər xəbərləri
