Xocasəndə baş vermiş yanğın söndürülüb
Bakı, 23 sentyabr, AZƏRTAC
Fövqəladə Hallar Nazirliyinin (FHN) "112" qaynar xəttinə Bakının Binəqədi rayonunun Xocasən qəsəbəsində yanğın baş verməsi barədə məlumat daxil olub.
Hadisə ilə əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.
Nazirliyin mətbuat xidmətindən AZƏRTAC-a verilən məlumata görə, hadisə yerində əməliyyat şəraiti qiymətləndirilərkən yaşayış evlərinin yaxınlığında məişət tullantılarının yandığı müəyyən edilib.
Yanğınsöndürənlərin çevik müdaxiləsi sayəsində yanğın genişlənərək ətraf ərazilərə yayılmasına imkan verilmədən qısa müddətdə söndürülüb.
Bölmənin digər xəbərləri
