Xocavənd sakini: Uzun illərdən sonra doğma yurda qayıtmaq böyük xoşbəxtlikdir
Bakı, 17 dekabr, AZƏRTAC
Sevincimizin həddi-hüdudu yoxdur. Çünki öz vətənimizə, öz doğma yurdumuza qayıdırıq.
Bu sözləri AZƏRTAC-a müsahibəsində Xocavənd rayonunun Qırmızı Bazar qəsəbəsinə köç edən keçmiş məcburi köçkün Alvita İsmayılova deyib.
O, doğma yurda qayıtmağın böyük xoşbəxtlik olduğunu bildirib.
"Uzun illərdən sonra yenidən doğma yurda qayıtmaq böyük xoşbəxtlikdir. Bu günə çox şükür edirik. Gedib orada yaşayacağıq, təsərrüfatla məşğul olacağıq, zəhmətimizlə dolanacağıq", - deyə Xocavənd sakini əlavə edib.
Bu vaxta qədər Müşfiqabad qəsəbəsində məcburi köçkün kimi yaşadığını qeyd edən A.İsmayılova qəhrəman Azərbaycan Ordusuna minnətdarlığını bildirib, şəhidlərimizə rəhmət, qazilərimizə cansağlığı arzulayıb.
Bölmənin digər xəbərləri
