Xocəsəndə həssas təbəqədən olan 167 nəfər oftalmoloji müayinədən keçib
Bakı, 30 aprel, AZƏRTAC
Akademik Zərifə Əliyeva adına Milli Oftalmologiya Mərkəzinin Avtomobil Səyyar Klinikası Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı ilə Xocəsən qəsəbəsində tibbi aksiya keçirib.
Milli Oftalmologiya Mərkəzinin Elmi-məlumat, tədris və təşkilati-metodik bölməsindən AZƏRTAC-a verilən məlumata görə, aksiya çərçivəsində 167 nəfər müayinədən keçib. Müayinədən keçənlərdə daha çox presbiopiya, konyuktivit, quru göz sindromu aşkarlanıb.
Tibbi aksiyanın məqsədi şəhid ailələrinə, qazilər və aztəminatlı ailələrə yerində və operativ tibbi xidmətlərin göstərilməsi olub.
Aksiya çərçivəsində müayinələri akademik Zərifə Əliyeva adına Milli Oftalmologiya Mərkəzinin həkimləri Lamiyə Həsənzadə və Gülmin Əhmədova aparıblar.
Bölmənin digər xəbərləri
