“Xoşbəxtliyiniz yarımçıq qalmasın” layihəsinin növbəti görüşü olub
Bakı, 26 aprel, AZƏRTAC
“ASAN xidmət”, Respublika Müalicəvi Diaqnostika Mərkəzi və “ASAN Könüllüləri” Təşkilatının birgə təşkilatçılığı ilə həyata keçirilən “Xoşbəxtliyiniz yarımçıq qalmasın” layihəsi çərçivəsində gənclərin cinsi və digər yolla keçən infeksion, həmçinin qan xəstəlikləri barədə məlumatlandırılması məqsədi ilə ixtisaslaşmış həkim-mütəxəssislər tərəfindən maarifləndirici görüş və təlimlər təşkil olunur.
Respublika Müalicəvi Diaqnostika Mərkəzindən AZƏRTAC-a verilən məlumata görə, həmin layihə çərçivəsində “ASAN xidmət” mərkəzlərinin könüllüləri üçün mütəxəssislər tərəfindən sifilis xəstəliyi ilə əlaqədar maarifləndirici görüş keçirilib.
Görüşdə xəstəliyin yaranma səbəbləri, əlamətləri və onunla mübarizə yolları mövzusunda təqdimatlar edilib.
Bölmənin digər xəbərləri
