Yaddaşlardan silinməyən faciə
Bakı, 1 dekabr, Zərəngiz Mansurova, AZƏRTAC
“B-Print” nəşriyyatında yazıçı-publisist Salatın Əhmədlinin yaddaşlardan silinməyən qanlı faciə - Xocalı soyqırımına həsr edilmiş “Başdaşı əhvalatı” adlı hekayələr kitabı nəşr edilib.
AZƏRTAC xəbər verir ki, kitabda Qarabağda və ətraf rayonlarında, xüsusilə Xocalıda ermənilərin xalqımızın başına açdıqları müsibətlər, törədilən qanlı cinayətlər əks olunub.
Kitabda qoyulan əsas məsələlərdən biri də budur ki, bəşəriyyətin üzləşdiyi qlobal problemlərdən olan Qarabağ düyünü həll edilməlidir. Dünyanın bütün sülhsevər qüvvələri birləşib bu odlu ocağı söndürməli, gələcək nəsillərin dinc həyatını təmin etməlidir.
Kitabın redaktoru Aygün Sultanlı, “Ön söz”ün müəllifi Gülxani Pənahdır.
Bölmənin digər xəbərləri
