“YALAN” FİLMİNİN TƏQDİMATI OLACAQDIR
Yazıçı-publisist Orxan Fikrətoğlunun ssenarisi əsasında rejissor Ramiz Əzizbəylinin quruluş verdiyi filmdə rollara, əsasən, Azərbaycan Dövlət Mədəniyyət və İncəsənət Universitetinin müəllimləri – sənətdən xeyli müddətdən bəri uzaqlaşmış aktyorlar çəkilmişlər. Filmdəki baş rolları da olardan ikisi - Vidadi Həsənov və Gülşad Baxşıyeva canlandırırlar.
Vətənpərvərlik ruhunda lentə alınmış filmdə Qarabağ müharibəsində şəhid vermiş bir ailənin əzab və iztirabları, ağır psixoloji sarsıntıları ön plana çəkilmişdir. Böyük oğlunun ölüm xəbərini anasından gizlədən ata kiçik oğlunu da vətənin müdafiəsinə ruhlandırır.
Filmin quruluşçu operatoru Amin Novruzov, rəssamı Nizami Bəydəmirov, bəstəkarı Aydın Əzim Kərimoğludur.
Bölmənin digər xəbərləri
