Yanvarda elektrik enerjisinin ixracı artıb
Bakı, 17 fevral, AZƏRTAC
Keçən ay ölkə üzrə elektrik enerjisinin ixracı 175,1 milyon kilovat/saat təşkil edib.
Energetika Nazirliyindən AZƏRTAC-a bildirilib ki, ötən ilin müvafiq dövrünə nisbətən ixrac 61,6 milyon kilovat/saat artıb. İrana 3,4 milyon kilovat/saat, Türkiyəyə 12,7 milyon kilovat/saat, Rusiyaya 7,2 milyon kilovat/saat, Gürcüstana isə 151,8 milyon kilovat/saat elektrik enerjisi ixrac olunub.
Ay ərzində elektrik enerjisinin idxalı 11 milyon kilovat/saat olmaqla, 2020-ci ilin müvafiq dövrü ilə müqayisədə 1,8 milyon kilovat/saat artıb. İrandan 3,3 milyon kilovat/saat, Rusiyadan 7,7 milyon kilovat/saat, Gürcüstandan isə 0,004 milyon kilovat/saat elektrik enerjisi idxal edilib.
Bölmənin digər xəbərləri
