YAPONİYADA DÜNYADA İLK HİBRİD DİZEL-ELEKTRİK MÜHƏRRİKLİ QATAR YARADILMIŞDIR
Firmanın nümayəndəsi bildirmişdir ki, belə qatarlar gələn ilin yayında istismara buraxılacaqdır.
Yeni qatarın hər vaqonunun damında təxminən 3-4 min mobil telefonun akkumulyatorları tutumunda güclü litium batareyaları quraşdırılmışdır. Onlardan, ilk növbədə, qatarı hərəkətə gətirməkdən ötrü istifadə olunur ki, bu da, əslində, həmin işləri səssiz görməyə və yanacağa qənaət etməyə imkan verir. Çünki bu əməliyyatlarda yanacaq xüsusilə çox sərf olunur. Eyni zamanda, işlənmiş zərərli qazlar heçə enir. Qatar saatda 30 kilometr sürət götürənədək vaqonun döşəməsi altındakı batareyanı yükləyən generatorla birləşdirilmiş dizel mühərriki işə düşür. Xüsusi qurğular tormozlama zamanı azad olan enerjinin akkumulyatorlarda toplanmasını təmin edir.
İqtisadi baxımdan faydalı, ekoloji cəhətdən daha təmiz hibrid mühərriklərdən hazırda Yaponiyada minik avtomobillərində və avtobuslarda getdikcə daha çox istifadə olunur. Gələcəkdə ölkədə, demək olar, bütün avtobus parklarını belə mühərriklə işlətmək nəzərdə tutulur.
Bölmənin digər xəbərləri
