Yaponiyanın Baş naziri ABŞ Prezidenti ilə Şimali Koreya məsələsini müzakirə etmək niyyətindədir
Tokio, 26 mart, AZƏRTAC
Yaponiyanın Baş naziri Yoşihide Suqa ABŞ Prezidenti Co Baydenlə gözlənilən görüşündə Şimali Koreya məsələsini də müzakirə etmək niyyətindədir.
AZƏRTAC xəbər verir ki, martın 26-da parlamentdə çıxışı zamanı bu barədə danışan Y.Suqa ikitərəfli sammitdə Şimali Koreyanın son raket buraxılışlarına xüsusi diqqət yetiriləcəyini qeyd edib.
Y.Suqa deyib ki, bu akt Yaponiyanın təhlükəsizliyinə qarşı təhdiddir və bununla barışmaq olmaz. Baş nazir əlavə edib ki, Yaponiya bu hərəkətləri daha ciddi şəkildə izləməli və sayıqlığı artırmalıdır.
Bu problemin Yaponiya-ABŞ sammitində müzakirə ediləcək əsas mövzulardan biri olacağı barədə sualı cavablandıran Baş nazir bildirib ki, o, hələlik həmin sammitin mövzularını açıqlamaq istəmir.
Lakin Y.Suqa deyib ki, o, ABŞ Prezidenti ilə Şimali Koreyaya münasibətdə xarici siyasəti əlaqələndirmək niyyətindədir. Buraya həmin ölkənin raket proqramları da daxildir. Baş nazir ümid etdiyini bildirib ki, müzakirələr zamanı həmin mövzuya da toxunulacaq.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
