YAPONİYANIN BAŞ NAZİRİ ZATİ-ALİLƏRİ CƏNAB TARO ASOYA
Hörmətli cənab Baş nazir,
Yaponiyanın Baş naziri vəzifəsinə seçilməyiniz münasibətilə Sizə səmimi təbriklərimi və xoş arzularımı yetirirəm.
Biz ölkələrimiz və xalqlarımız arasında yaranmış və günü-gündən inkişaf edən dostluq münasibətlərinə xüsusi əhəmiyyət veririk. Ümidvaram ki, Azərbaycan ilə Yaponiya arasındakı dostluq əlaqələri, qarşılıqlı maraq doğuran faydalı əməkdaşlığımız xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.
Sizə möhkəm cansağlığı, dost Yaponiya xalqının rifahı naminə fəaliyyətinizdə uğurlar arzulayıram.
Hörmətlə,
İlham Əliyev
Azərbaycan Respublikasının Prezidenti
Bakı, 25 sentyabr 2008-ci il.
Bölmənin digər xəbərləri
