Yaponiyanın şimal-şərq sahillərində silsilə zəlzələlər olub
Tokio, 4 avqust, AZƏRTAC
Avqustun 4-də Yaponiyanın şimal-şərq sahillərində 5,8-5,1 bal gücündə silsilə zəlzələlər baş verib.
AZƏRTAC Yaponiya Meteorologiya Agentliyinə istinadla xəbər verir ki, yerli vaxtla səhər saat 4:33 dəqiqədə baş verən 5,8 bal gücündə ilk zəlzələdən müəyyən qədər sonra 5,2-5,1-5,2 bal gücündə daha üç yeraltı təkan qeydə alınıb. Bildirilir ki, ən güclü yeraltı təkanın episentri Hönşü adasındakı Hasaki yaşayış məntəqəsindən 120 kilometr şimal-şərqdə, ocağı 10 kilometr dərinlikdə yerləşib.
Dağıntılar və zərərçəkənlər barədə hələlik məlumat verilmir. Sunami xəbərdarlığı elan edilməyib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
