“YARAMAZ” FİLMİNİN EKRAN HƏYATININ 20 YAŞI VAR
Bakı, 5 may (AZƏRTAC). Dövlət Film Fondunun təşkilatçılığı ilə mayın 19-da Azərbaycan Dövlət Musiqili Komediya Teatrında rejissor, xalq artisti Vaqif Mustafayevin çəkdiyi “Yaramaz” filminin ekran həyatının 20 illiyinə həsr olunmuş tədbir keçiriləcəkdir.
Fondun direktoru, əməkdar incəsənət xadimi Cəmil Quliyev bildirmişdir ki, bu film Azərbaycanın kino tarixində ilk dəfə faciə-məzhəkə janrında çəkilmişdir. Rejissorun bu ekran əsərində iyirmi il əvvəl toxunduğu problem indi də aktualdır. Təsadüfi deyildir ki, görkəmli italyan bəstəkarı Bernardo Bertoluççi dünyanın ən yaxşı 35 ekran əsəri sırasında kifayət qədər beynəlxalq mükafatlar almış “Yaramaz”ın da adını çəkmişdir.
Filmdə Həsən Turabov, Məlik Dadaşov, Rasim Balayev, Yaşar Nuri, Mamuka Kikaleyşvili, Larisa Borodina, Səidə Quliyeva, Nuriyyə Əhmədova, Nazim Ağayev, Ağahüseyn Kərimov və başqa tanınmış aktyorlar çəkilmişlər.
Bölmənin digər xəbərləri
