YENİ “MÖCÜZƏ-YANACAQ”
Türkiyəli alim Abdulla Çoban iddia edir ki, benzindən və kömürdən iki dəfə çox enerji ayıra bilən yeni yanacaq növü yaratmışdır. Alim öz ixtirası üçün patent alanadək onun adını çəkməkdən imtina etmişdir.
Türkiyədə çıxan “Axşam” qəzeti Kayseri universiteti professorunun sözlərinə istinadən yazır ki, enerji daşıyıcısı Türkiyədə yüz milyon ton ehtiyatı olan bir mineraldan alınmışdır. Alim onu da iddia edir ki, bu elmi ixtirasından İEM üçün yanacaq kimi istifadə etmək olar. Onun dediyinə görə, həmin mineraldan 1 kilovatsaat elektrik enerjisi alınması çəmi bir sentə başa gələcəkdir.
Kayseri şəhərindən olan bu alim “möcüzə-yanacaq” kəşf edən ilk türk deyildir.
Britaniyanın Nyukasl şəhərindəki universitetdə işləyən Murad Doğru iki il bundan əvvəl prinsip etibarilə yeni enerji daşıyıcısı yaratdığını elan etmişdi. Bu yanacağın alınması üçün meşə fındığının qabığından istifadə olunur, belə ki, onu yandırarkən tərkibində böyük miqdarda hidrogen olan qaz ayrılır.
Fındıq qabığını zeytun və ərik çəyirdəyi, dəri sənayesi tullantıları ilə də əvəz etməyin mümkün olduğu bildirilir.
İTAR-TASS-ın verdiyi xəbərə görə, Çanaqqala vilayətindən olan müəllim Xəlil Akman ötən il benzinə 40 faiz qənaət etməyə imkan verən “spirt sistemi” yaratdığını bildirmişdi. Onun dediyinə görə, aşqarın kütləvi istehsalı barədə iri avtomobil firmalarından biri ilə artıq razılıq əldə etmişdir.
Akman öz texnologiyasının sirlərini gizli saxlayır, lakin deyir ki, şəxsi avtomobilində səkkiz ay ərzində 3 min kilometrdən artıq yol qət edərək, bu texnologiyanı uğurla sınaqdan çıxarmışdır.
Bölmənin digər xəbərləri
