Yevlax taxılçıları 38 min 183,5 ton məhsul tədarük ediblər
Yevlax, 21 iyul, AZƏRTAC
Taxıl biçinini başa çatdıran Yevlax rayonunun fermerləri və torpaq mülkiyyətçiləri zəmilərdən 38 min 183,5 ton məhsul əldə ediblər.
Yevlax Dövlət Aqrar İnkişaf Mərkəzindən AZƏRTAC-ın bölgə müxbirinə bildiriblər ki, toplanmış məhsulun 23 min 353,4 tonu buğda, 14 min 830,1 tonu arpadır. Hər hektarın məhsuldarlığı orta hesabla 31,8 sentner, o cümlədən buğda sahələrində 35 sentner, arpa sahələrində isə 27,8 sentnerdir. Rayonda taxıl istehsalı ötən illə müqayisədə 756,4 ton çoxdur. Hazırda biçilmiş taxıl sahələrində şum qaldırılır, təkrar qarğıdalı əkini həyata keçirilir.
Qeyd edək ki, Yevlax rayonunda bu ilin məhsulu üçün 6672,4 hektarı buğda, 5334,6 hektarı arpa olmaqla, 12 min 7 hektar sahədə taxıl yetişdirilib.
Bölmənin digər xəbərləri
