Yevlaxda Dədə Qorqud Parkı yenidən qurulur
Yevlax, 12 fevral, AZƏRTAC
Yevlax şəhərindəki Dədə Qorqud Parkının yenidən qurulmasına başlanılıb.
AZƏRTAC-ın bölgə müxbiri xəbər verir ki, parkın ərazisi 650 metr uzunluğunda genişləndirilərək 2 hektara çatdırılacaq. Parkda Dədə Qorqudun heykəli qoyulacaq, geniş abadlıq işləri aparılacaq, yerə plitələr vurulacaq, yaşıllıqlar salınacaq. Həmçinin idman-sağlamlıq qurğuları quraşdırılacaq, uşaq əyləncə mərkəzi, gəzinti yerləri, istirahət guşələri yaradılacaq.
Layihə çərçivəsində parkın ətrafında olan yaşayış binalarının və obyektlərin fasad və interyeri müasir üslubda yenidən qurulacaq, abad məhəllələr salınacaq.
Bölmənin digər xəbərləri
