YEVLAXDA TAXIL BİÇİNİ BAŞA ÇATMIŞDIR
Yevlax, 18 iyul (AZƏRTAC). Yevlax rayonunda taxıl biçini başa çatmışdır. Rayon statistika idarəsindən bildirmişlər ki, cari ilin məhsulu üçün 14 min 38 hektar sahədə taxıl əkilmişdir ki, bu da əvvəlki illə müqayisədə 5 min 366,9 hektar çoxdur. Taxıl zəmilərinin 10 min 674 hektarında buğda, 3 min 364 hektarında arpa yetişdirilmişdir.
Fermerlər sahələrdən 43 min 870 ton taxıl yığmışlar. Bu, ötənildəkindən 17 min ton çoxdur. Ümumi məhsulun 35 min 864 tonu buğda, 8 min tondan çoxu arpadır. Hər hektardan 31,25 sentner məhsul götürülmüşdür.
Bölmənin digər xəbərləri
