YOXSULLUQ HƏDDİNDƏN AŞAĞI SƏVİYYƏDƏ YAŞAYAN İNSANLARIN SAYI AZALMIŞDIR
Sənəddə deyilir: “1981-ci ildə 1,5 milyarddan çox insanın və ya Yer kürəsi əhalisinin 40 faizinin gündəlik gəliri 1 dollardan az idi. 20 ildən sonra isə bu rəqəm 1,1 milyarda və ya 21 faizə bərabər olmuşdur”.
Mütəxəssislər bunun səbəbini Cənubi və Şərqi Asiyanın sürətli iqtisadi inkişafında görürlər. Bununla belə, Afrikada elə həmin dövr ərzində səfalətlə bağlı vəziyyət daha da kəskinləşmiş, Şərqi Avropada və Mərkəzi Asiyada isə son dərəcə yoxsul insanların sayı artaraq 6 faizə çatmışdır.
Bankın baş iqtisadçısı Fransua Burjinyon jurnalistlərlə söhbətində demişdir: “İqtisadi artım yoxsulluqla mübarizəyə təkan verən qüvvədir. Lakin yalnız səhiyyəyə və təhsilə külli miqdarda vəsait qoyan ölkələr yoxsulluq və dilənçiliklə mübarizədə uğurlar qazanmışlar”.
Bölmənin digər xəbərləri
