“Zaqatala AGRO İndustry” tərəfindən şimal-qərb rayonlarında 87 hektar sahədə tütün əkilib
Zaqatala, 29 aprel, Mustafa Dadaşov, AZƏRTAC
Respublikamızın şimal-qərb bölgəsinə daxil olan Zaqatala, Qax və Şəki rayonlarında “Zaqatala AGRO İndustry” MMC tərəfindən bu il, ümumilikdə, 185 hektar sahədə “Virciniya botaniki” növlü tütün əkini nəzərdə tutulur. İndiyədək bu rayonlarda 87 hektar sahəyə tütün şitilləri köçürülüb.
Bu barədə AZƏRTAC-ın bölgə müxbirinə MMC-dən məlumat verilib.
Bildirilib ki, tütün istehsalı ilə əlaqədar cari ildə cəmiyyət tərəfindən şimal-qərb rayonlarında 16 fermerlə müqavilə bağlanılıb. Fermerlərlə bağlanılan müqavilələr üzrə tütün əkiləcək sahə 125 hektar təşkil edir. Eyni zamanda, şirkətin özü tərəfindən bu il şimal-qərb bölgəsində 60 hektar sahədə tütün əkilməsi nəzərdə tutulur.
MMC-dən verilən məlumata görə, bu günədək Zaqatala rayonunda 27 hektar, Qaxda 29 hektar, Şəki rayonunda isə 8 hektar sahəyə tütün şitilləri köçürülüb. Eyni zamanda, şirkətin özü tərəfindən də indiyədək 23 hektar sahədə tütün əkilib.
Bölmənin digər xəbərləri
