ZAQATALADA SEMİNAR-FORUM KEÇİRİLMİŞDİR
Bələdiyyə seçkilərinə hazırlıqla əlaqədar ABŞ səfirliyinin və “CRS” Beynəlxalq təşkilatının təşəbbüsü ilə Zaqatala şəhərində seminar-forum keçirilmişdir. İki gün davam edən seminar-forumda səfirliyin və beynəlxalq təşkilatın təmsilçiləri ilə yanaşı, Prezident Administrasiyası İctimai siyasi şöbəsinin və Mərkəzi Seçki Komissiyasının, habelə Ədliyyə Nazirliyinin, Yasamal bələdiyyəsinin və digər qurumların nümayəndələri iştirak etmişlər.
Rayon icra hakimiyyətindən AZƏRTAC-ın müxbirinə bildirmişlər ki, yerli bələdiyyə orqanlarının, siyasi partiyaların, QHT nümayəndələrinin və şəhər sakinlərinin qatıldığı bu tədbirdə vətəndaşların seçki hüququ, yerli özünüidarə orqanlarına seçkilərin keçirilməsi, bələdiyyə sədrlərinin seçilməsi, depozitlərin minimuma endirilməsi, bələdiyyələrin seçicilər qarşısında hesabatı və digər mövzularda geniş fikir mübadiləsi aparılmış, seminar iştirakçılarını maraqlandıran suallara aydınlıq gətirilmişdir.
Bölmənin digər xəbərləri
