ZAVOD YENİ AVTOMOBİL İSTEHSALINA HAZIRLAŞIR
AZƏRTAC-ın müxbiri xəbər verir ki, Gəncə avtomobil zavodunun Çin Xalq Respublikasının “Çan-qan” şirkəti ilə bağlanmış əməkdaşlıq müqaviləsi reallaşmaq üzrədir. Bu günlərdə şirkətin Gəncəyə gəlmiş nümayəndə heyəti zavodun imkanlarını bir daha nəzərdən keçirmiş və burada Çin avtomobillərinin yığmasına razılıq vermişdir. Gəncə Şəhər İcra Hakimiyyətində keçirilən görüşdə qeyd olunmuşdur ki, ilkin mərhələdə kiçik həcmli yük avtomobilləri yığılacaqdır. Təxminən 400 nəfərin işləyəcəyi müəssisədə əvvəlcə min ədəd avtomobil yığılacaqdır. Avtomobilləri “Gəncə” adlandırmaq qərara alınmışdır.
Bölmənin digər xəbərləri
