Zəfər Günü ilə bağlı Milli Hidrometeorologiya Xidmətinin binasında Azərbaycan bayrağı proyeksiya olunur
Bakı, 8 noyabr, AZƏRTAC
Tarixi Qələbənin birinci ildönümü münasibətilə 8 Noyabr - Zəfər Günündə Heydər Əliyev prospektində yerləşən Milli Hidrometeorologiya Xidmətinin binasının üzərində hazırda xüsusi işıqlandırma ilə dövlətimizin qüdrətinin atributu və qələbə rəmzimiz olan Azərbaycan bayrağı proyeksiya olunur.
Ekologiya və Təbii Sərvətlər Nazirliyinin Mətbuat katibi İradə İbrahimova AZƏRTAC-a bildirib ki, biz də Zəfər Gününün qürurunu möhtəşəm bayraq kompozisiyası ilə nümayiş etdirərək ölkəmizdəki bayram əhval-ruhiyyəsinə öz töhfəmizi veririk: “9 noyabr Dövlət Bayrağı Günündə də bayrağımız binanın üzərində dalğalanacaq. Sonrakı günlərdə isə gündəlik hava məlumatları əks olunacaq”.
Bölmənin digər xəbərləri
