Zərdab çəltikçiləri hər hektardan 50 sentnerdən çox məhsul götürürlər
Zərdab, 18 sentyabr, AZƏRTAC
Zərdab rayonunda çəltik biçini aparılır və torpaq mülkiyyətçiləri hər hektardan 50 sentnerdən çox məhsul əldə edirlər.
Rayon icra hakimiyyətindən AZƏRTAC-ın bölgə müxbirinə bildirilir ki, cari mövsümdə 7 inzibati ərazi dairəsində 241 hektar sahədə çəltik yetişdirilib. Əkin sahələri ötən ildəkindən 30 hektar çoxdur. Bu il Məliklidə 110 hektar, Körpükənddə 77 hektar, Yarməmmədbağıda 22 hektar, Əlibəylidə 17 hektar sahədə çəltik yetişdirilib. Məhsul yığımına kifayət qədər texnika, o cümlədən 2 ədəd kombayn cəlb olunub. Artıq 220 hektarda biçin aparılıb.
Bölmənin digər xəbərləri
