ZİDAN “REAL”IN 6 MİLYON AVROSUNDAN İMTİNA ETDİ

31.08.2006 [16:13]
Çap et
A⁺ A^-

AZƏRTAC Frans Press Agentliyinə istinadla xəbər verir ki, Fransa yığmasının sabiq kapitanı Zinədin Zidan bildirmişdir ki, 2006/2007-ci il mövsümü üçün Madridin “Real” klubu ilə müqaviləyə əsasən ona düşən altı milyon avronun “heç bir avrosunu da almayacaqdır”. Halbuki futbolçu bu məbləğin müəyyən hissəsini asanlıqla ala bilər, çünki karyerasını başa çatdırsa da, komandanın sistemində qalmışdır. O, klubu ictimai tədbirlərdə təmsil edəcək, habelə gənc oyunçularla işləyəcəkdir.

“Real”ın rəhbərlərindən biri demişdir ki, Zidanın hərəkəti nümunəvidir, örnəkdir və onun ulduz statusuna tam uyğundur.

Maraqlıdır ki, Madrid klubunda beş mövsüm çıxış etmiş olan 2006-cı il dünya çempionatının ən yaxşı oyunçusu İspaniya paytaxtından getməməyi qərara almışdır və indi orada özünə ev tikdirir.

Zidan idman karyerasını başa çatdırdığını hələ dünya çempionatından əvvəl bildirmişdi. O, “Real”ın heyətində sonuncu rəsmi görüşünü mayın 7-də keçirmişdir.

İspaniyanın populyar AS nəşrinin məlumatına görə, “Real”ın rəhbərliyi Zidanın vida görüşünü təşkil etməyi planlaşdırır. Bu oyunda “Real” Fransa yığması ilə görüşəcəkdir.

ZİDAN “REAL”IN 6 MİLYON AVROSUNDAN İMTİNA ETDİ

MÜƏLLİFLƏ ƏLAQƏ

Bölmənin digər xəbərləri