Ziya Zakir Acar: Uydurma “böyük Ermənistan” iddiası bütün ermənilərin düşüncəsini zəhərləyib
Ankara, 25 aprel, AZƏRTAC
Ermənistan terrorçu və işğalçı dövlətdir. Dünya erməniləri də təcavüzkar dövlətin siyasətinə bu və ya digər formada dəstək verirlər. Ermənilərin Azərbaycanda və Türkiyədə törətdikləri soyqırımı aktlarını təsdiq edəcək çoxlu sayda sənəd, onlarla kütləvi məzarlıq mövcuddur.
Bu fikri AZƏRTAC-a açıqlamasında İğdır-Azərbaycan Dil, Tarix və Mədəniyyət Həmrəyliyini Yaşatma və Dəstəkləmə Dərnəyinin sədri, saxta “erməni məsələsi” üzrə tədqiqatçı Ziya Zakir Acar bildirib.
Uydurma “böyük Ermənistan” iddiasının bütün ermənilərin düşüncəsini zəhərlədiyini diqqətə çatdıran Z.Acar deyib: “Erməni millətçi dairələri iki əsrə yaxındır ki, səpdikləri türk-müsəlman düşmənçiliyinin toxumlarını “cücərtmək” üçün bütün iyrənc vasitələrdən istifadə ediblər. İndi də vəziyyəti hamının bildiyi səviyyəyə gətiriblər. Artıq bu toplumu təmsil edən heç bir kəsə inam qalmayıb. Ermənilərin səmimiyyətinə yalnız onda inana bilərik ki, ilk növbədə Azərbaycana qarşı işğalçılıqdan əl çəksinlər”.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
