Zülfiyyə Hüseynova paracüdo üzrə Qran-Pri turnirində qızıl medal uğrunda yarışacaq
Bakı, 26 may, AZƏRTAC
Bakıda keçirilən paracüdo üzrə “IBSA Judo Grand-Prix Baku 2021” beynəlxalq Qran-Pri turnirində ikinci günün yarışları davam edir.
AZƏRTAC xəbər verir ki, paracüdoçumuz Zülfiyə Hüseynova (70 kq) yarımfinalda Meksika təmsilçisi Lenia Fabiola Ruvalcaba Alvarezi məğlub edərək finala vəsiqə qazanıb. Təmsilçimiz qızıl medal uğrunda Braziliya idmançısı Alana Maldonado ilə qarşılaşacaq.
Azərbaycan cüdoçuları turnirin ikinci günündə 7 çəki dərəcəsində mübarizə aparırlar.
On səkkiz cüdoçumuzun mübarizə apardığı Qran-Pridə ümumilikdə 38 ölkədən 200 idmançı medallar uğrunda yarışır.
“IBSA Judo Grand-Prix Baku 2021” Qran-Prisi turniri Tokio Yay Paralimpiya Oyunlarına reytinq xalları qazandırır.
Bölmənin digər xəbərləri
