Ağsuda pambıq sahələrinin 1000 hektarı maşınlarla yığılacaq VİDEO
Ağsu, 20 sentyabr, AZƏRTAC
Sentyabrın 20-də Ağsu rayonunda pambıqyığan maşınlarla məhsul yığımına start verilib.
AZƏRTAC rayon kənd təsərrüfatı idarəsinə istinadla xəbər verir ki, cari mövsümdə rayonda 2500 hektar pambıq yetişdirilib. Onun 1000 hektarında məhsul maşınlarla yığılacaq. Məhsul yığımına 4 pambıqyığan texnika cəlb olunub. Bunlardan 2-si “Ucar MKT”yə, 2-si isə “Ağsu kənd təsərrüfatı” MMC-yə məxsus sahələrdə işləyəcək.
Maşınla pambıq yığımı Ərəbmehdibəy icra nümayəndəliyinin ərazisində, fermer Hacağa Hüseynova məxsus sahədən başlanıb. Fermer 300 hektarda pambıq yetişdirib ki, bunun da hamısı maşınlarla yığılacaq.
Bölmənin digər xəbərləri
