Azərbaycan gimnastı Səməd Məmmədli XV Avropa Gənclər Yay Olimpiya Festivalında gümüş medal qazanıb VİDEO
Bakı, 26 iyul, AZƏRTAC
Azərbaycan atleti XV Avropa Gənclər Yay Olimpiya Festivalının idman gimnastikası yarışlarında gümüş medal qazanıb.
AZƏRTAC xəbər verir ki, gimnastımız dəstəli at yarışlarında uğurla çıxış edərək 13,600 xal toplayıb. O, bu nəticə ilə gümüş medala sahib olub.
Gimnastımız sərbəst hərəkətlərdə isə 13,733 xal toplayaraq altıncı yerdə qərarlaşıb.
Milli Gimnastika Arenasında keçirilən yarışlarda Avropanın 37 ölkəsinin idmançıları mübarizə aparırlar.
Festivalın idman gimnastikası yarışlarına iyulun 27-də yekun vurulacaq.
Bölmənin digər xəbərləri
