20 Yanvar - qəhrəmanlıq salnaməmizdir
Bakı, 18 yanvar (AZƏRTAC). Yasamal rayon Heydər Əliyev Mərkəzində 20 Yanvar faciəsinin 23-cü ildönümünə həsr olunmuş “20 Yanvar - qəhrəmanlıq salnaməmizdir” mövzusunda “dəyirmi masa” keçirilmişdir.
AZƏRTAC xəbər verir ki, tədbirdə 20 Yanvar şəhidlərinin xatirəsi bir dəqiqəlik sükutla yad edilmişdir.
Yeni Azərbaycan Partiyası Yasamal rayon təşkilatının sədri, professor Fikrət İsmayılov, tarix elmləri doktoru, professor Şikar Qasımov, rayon gənclər və idman idarəsinin rəisi İlham Səfərov və başqaları Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 20 Yanvar faciəsindən söhbət açmışlar.
Bildirilmişdir ki, 1990-cı il yanvarın 19-dan 20-nə keçən gecə sovet ordusunun erməni quldur dəstələri ilə birgə Azərbaycan xalqına qarşı həyata keçirdiyi terror aktına ilk dəfə ümummilli lider Heydər Əliyev tərəfindən hüquqi qiymət verilmişdir.
Bölmənin digər xəbərləri
