20 Yanvar faciəsi xalqımızın qan yaddaşında əbədi yaşayacaqdır
Bakı, 18 yanvar (AZƏRTAC). Tələbə Qəbulu üzrə Dövlət Komissiyasında 20 Yanvar faciəsinin 23-cü ildönümünə həsr olunmuş tədbir keçirilmiş, şəhidlərin xatirəsi anılmışdır.
Tələbə Qəbulu üzrə Dövlət Komissiyasından AZƏRTAC-a bildirmişlər ki, tədbirdə TQDK sədrinin müavini Namiq Babayev 1990-cı il yanvarın 19-dan 20-nə keçən gecə imperiya ordusunun Azərbaycanda törətdiyi qanlı cinayətlərdən danışmış, bu dəhşətli faciənin xalqımızın qan yaddaşında əbədi yaşayacağını diqqətə çatdırmışdır.
TQDK-nın şöbə müdirləri Nərminə Məmmədova, Çingiz Rüstəmov, Komissiyanın Naxçıvan regional bölməsinin müdiri Sabir Məmmədov və digər çıxış edənlər də 20 Yanvarın xalqımızın tarixinin həm faciəli, həm də qəhrəmanlıq səhifəsi olduğunu bildirmişlər.
Bölmənin digər xəbərləri
