20 Yanvar hadisələri xalqımızın milli azadlıq ruhuna qarşı hərbi təcavüz idi
Bakı, 20 yanvar (AZƏRTAC). 20 Yanvar şəhidlərimizin xatirəsini hörmətlə yad edərkən bu gün fəxrlə deyə bilərik ki, onların uğrunda canlarını qurban verdikləri azad respublikamız bütün dünyaya müstəqilliyimizin əbədi və dönməz olduğunu sübut etmişdir.
Bu sözləri yanvarın 20-də Şəhidlər xiyabanını ziyarətə gəlmiş Azərbaycan Dövlət Ədəbiyyat və İncəsənət Arxivinin direktoru Maarif Teymurov AZƏRTAC-a müsahibəsində demişdir.
O bildirmişdir ki, 20 Yanvar hadisələri xalqımızın milli mənliyinə, milli azadlıq ruhuna qarşı təcavüz idi. Lakin Azərbaycan xalqı qürurunu itirmədi, onun iradəsi qırılmadı.
Biz 20 Yanvarı milli matəm, hüzn kimi qeyd edirik, həm də o müdhiş gecəni iftixar hissi ilə xatırlayırıq. Məhz xalqımızın yenilməzliyi, Vətənə, torpağa sədaqəti, azadlıq uğrunda mübarizə əzmi sayəsində müqəddəs arzumuza çatdıq - azadlığımıza qovuşduq. Allahdan torpaqlarımızın azad olunması uğrunda həlak olmuş bütün şəhidlərimizə rəhmət diləyirəm.
Bölmənin digər xəbərləri
