Azərbaycan Dövlət İnformasiya Agentliyi

Vilnüsdə Azərbaycan-Litva biznes forumu keçirilib YENİLƏNİB -2 VİDEO

Vilnüs, 22 may, AZƏRTAC

Mayın 22-də Vilnüsdə Azərbaycan Respublikasının Prezidenti İlham Əliyevin və Litva Respublikasının Prezidenti Gitanas Nausedanın iştirakı ilə Azərbaycan-Litva biznes forumu keçirilib.

AZƏRTAC xəbər verir ki, dövlət başçıları biznes forumda çıxış ediblər.

Prezident Gitanas Nausedanın
çıxışı

- Zati-aliləri, Azərbaycan Respublikasının Prezidenti.

Hörmətli nazirlər, biznes ictimaiyyətinin nümayəndələri, möhtərəm qonaqlar, xanımlar və cənablar.

Mən litvalı həmkarların da iştirakı ilə Azərbaycandan olan çox sayda iş adamını Vilnüsdə salamlamaqdan məmnunam. Ümidvaram ki, bugünkü müzakirələr ölkələrimizə mövcud əlaqələri dərinləşdirməyə və yeni tərəfdaşlıqları inkişaf etdirməyə kömək edəcək.

Bu il Litva və Vilnüs 700 illiyini qeyd edir. Paytaxtımızın mövcudluğunun ilk günləri Litva hökmdarı Gediminas xarici liderlərə, tacirlərə, müxtəlif sosial təbəqələrdən və dindən olan sənətkarlara dəvət məktubları göndərməsi ilə yadda qaldı. O vaxtdan bu yana Litva başqaları ilə birgə fəaliyyət göstərmək, yeni ideyalar əldə etmək və inkişaf etmək üçün ambisiyalı yolla gedir.

Azərbaycan xalqının ulu əcdadları da bu hekayənin bir parçası olaraq hələ XV əsrdə Litva elçilərini qəbul ediblər. Bu gün biz ikitərəfli əlaqələrimizin sağlam vəziyyətinə arxalana bilərik. Azərbaycan Litvanın mühüm tərəfdaşıdır və biz qarşılıqlı faydalı imkanların axtarılmasında maraqlıyıq. Biz Azərbaycanı nəhəng enerji potensialına malik və şaxələndirməyə can atan inkişaf edən iqtisadi güc kimi görürük. Azərbaycan iqtisadiyyatının informasiya texnologiyaları, logistika, istehsal, qabaqcıl ərzaq sənayesi, bərpaolunan enerji kimi müxtəlif sahələri litvalı iş adamlarını cəlb edir. Biz bu qədər məsələləri müzakirə edə bilərik. Keçmişdə Litva özünü yeni şəraitə asanlıqla adaptasiya olmaq və ondan öz xeyrinə istifadə etmək bacarığını sübuta yetirib. Biz güclü sənaye ənənəsinə və intellektual işçi qüvvəsinə arxalanırıq. Bizim rəqəmsal infrastrukturumuz sürətli və əlçatandır, bütün Avropa İttifaqında ən yaxşılarından biridir.

2020-ci ildə qlobal tənəzzül zamanı Litva ümumi daxili məhsulun mənfi dəyişməsinə imkan vermədi. Bu uğurlu antitsiklik iqtisadi siyasət təcrübəsi yeni qlobal təlatümlərin öhdəsindən gəlmə prosesində istifadə edəcəyimiz mühüm təcrübə olmuşdur. Hazırda biz yaşıl texnologiyaların sənaye istehsalatını dəstəkləmək üçün Avropa İttifaqının planlarını nəzərdən keçiririk. Yeni imkanlar inqilabi və sıfır tullantılı istehsalatla təmin olunacaq. Bu, Litva iqtisadiyyatına fayda verəcək. Xalis sıfır tullantılı iqtisadiyyatların inkişafı, həmçinin Litva və Azərbaycan iqtisadiyyatlarını bir-birinə daha da yaxınlaşdıra bilər. Bizim bugünkü özgüvənimiz son on il ərzində möhtəşəm enerji keçidi prosesi ilə dəstəklənmişdir. Bu, Litvaya Rusiyadan enerjinin, o cümlədən neft, elektrik enerjisi və təbii qazın təchizatını tamamilə dayandıran ilk Avropa ölkəsi olmağa imkan verdi. Hazırda iqtisadi model yanaşmasında fiksə edilmiş aşağı qiymətli enerji həm qurudakı, həm də dənizdəki bərpaolunan enerji mənbələrindən generasiya olunur. Bu, bizim istehsal və xidmət sektorlarımızın rəqabət qabiliyyətini əhəmiyyətli şəkildə gücləndirəcək. Azərbaycan sahibkarları bundan faydalanmaq üçün bu prosesə qoşula bilərlər.

Məmnuniyyətlə qeyd edirəm ki, birinci iqtisadi toplantı ötən il Bakıda keçirildi. Orada mənə Zati-aliləri Azərbaycan Respublikasının Prezidenti ilə biznes forumunun açılışını etmək şərəfi nəsib oldu. Bu gün mən həqiqətən də inanıram ki, ölkələrimiz təkcə iqtisadi cəhətdən yox, eyni zamanda, elm, təhsil və mədəniyyət sahələrində də bir-biri ilə əlaqələr qurmalıdırlar. Yol genişdir və bizim qarşımızdadır. Qoy, bu biznes forumu düzgün istiqamətdə atılmış əlavə addım olsun.

Mən bu biznes forumunu təşkil etdiklərinə görə Litvanın Litfood agentliyinə, İnnovasiya Agentliyinə, Sənayeçilər Konfederasiyasına və Azərbaycanda İxracın və İnvestisiyaların Təşviqi Fondu - AZPROMO-ya və iştirak edən bütün digər təşkilatlara xüsusi təşəkkürümü ifadə etmək istəyirəm. Hamınıza maraqlı və faydalı müzakirələr arzulayıram. Təşəkkür edirəm.

x x x

Prezident İlham Əliyevin
çıxışı

- Hörmətli Prezident Nauseda.

Hörmətli xanımlar və cənablar.

Əvvəlcə mən bir daha cənab Prezidentə göstərilmiş qonaqpərvərliyə görə təşəkkürümü bildirmək istəyirəm. Gözəl ölkənizə yenidən gəlməyimə, ikitərəfli və regional məsələlərə, o cümlədən iqtisadi gündəliyə dair cənab Prezidentlə geniş fikir mübadiləsi aparmaqdan çox şadam. Bir il ərzində ölkə rəhbərlərinin ikinci dəfə biznes forumda çıxış etməsi faktı ölkələrimizin biznes subyektləri və sahibkarları arasında təmaslara böyük əhəmiyyət verdiyimizin təzahürüdür.

Hesab edirəm ki, Prezident Nauseda ilə əməkdaşlığımız üçün çox güclü bünövrə qoymuşuq, çox fəal siyasi dialoq qurmuşuq. Artıq söylədiyim kimi, biz ötən ilin mayında Bakıda görüşdük. Sonra bu ilin yanvarında Davosda görüş keçirdik. İndi isə Vilnüsdə görüşürük. Bu, həqiqətən əməkdaşlığımızın dinamik xarakterini göstərir. İndi isə biznes icmaları üçün qarşılıqlı surətdə faydalı və məhsuldar əməkdaşlığı ehtiva edən uzun perspektivli plan üçün vaxt yetişib.

İki həftə öncə burada, Vilnüsdə Litva-Azərbaycan hökumətlərarası komissiyası iqtisadi gündəliyimizdə duran mühüm məsələləri müzakirə etmək məqsədilə öz iclasını keçirdi. Hesab edirəm ki, birgə iqtisadi komissiyanın oynadığı rol biznes dairələrinin səylərini əlaqələndirməkdən, potensial əməkdaşlıq üçün mühüm imkanları dəyərləndirməkdən və tərəfdaşlıq üçün çərçivənin yaradılmasından ibarətdir.

Bu baxımdan planlarımız barədə məlumat mübadiləsi çox əhəmiyyətlidir. Əminəm ki, bu gün keçirilən biznes forumda ölkələrimizdə icrası planlaşdırılan layihələrin növləri, o cümlədən işgüzar dairələrin onlarda iştirakı yolları barədə bir çox müzakirələr olacaq. Bu gün biz cənab Prezidentlə əməkdaşlıq üçün potensial sahələri geniş şəkildə müzakirə etdik. Prezident onları artıq qeyd etdi. Fikrimcə, potensial həqiqətən var. Biz bərpaolunan enerji sahəsinə yatırımlar baxımından eyni istiqamətdə gedirik. Hər iki ölkədə - Baltik və Xəzər dənizlərində çox böyük külək enerjisi potensialı var. Hər iki ölkə bu məsələni gündəliyimizə daxil edib. Bizə gəldikdə, bizdə enerji təhlükəsizliyi mövcuddur. Lakin, bununla belə, biz ixrac məqsədləri üçün daha çox təbii qaza qənaət etmək və elektrik enerjisinin istehsalı üçün təbiətimizin günəş və külək enerjilərindən istifadə etmək istərdik. Xüsusən də, nəzərə alsaq ki, ötən ilin iyulunda Avropa Komissiyası və Azərbaycan Enerji sahəsində Strateji Tərəfdaşlıqla bağlı Anlaşma Memorandumunu imzaladılar. Biz onun əsasında 2027-ci ilə qədər Avropaya təbii qaz təchizatımızı iki dəfə artırmağı planlaşdırırıq. 2021-ci ildə Avropaya təbii qaz təchizatımız 8 milyard kubmetr olmuşdur, bu il isə 12 milyard kubmetr olacaq və 2027-ci ilə qədər 20 milyard kubmetrə çatdırılacaq. Fikrimcə, bu, minimal həddi təşkil edir, çünki potensial çoxdur. Biz mövcud yataqlardan daha çox qaz hasil edirik. Bu yaxınlarda Xəzərdə ən iri yataqlardan birində hasilatın başlanmasını elan edəcəyik. Həmçinin bərpaolunan enerji mənbələrinə qoyulan sərmayələr təbii qaza ixrac məqsədləri üçün qənaət etmək imkanını yaradacaq.

Buna görə Avropanın etibarlı təchizatçısı kimi Azərbaycan bu gün nefti, təbii qazı və elektrik enerjisini ixrac edir. Biz hidrogeni, o cümlədən yaşıl hidrogeni ixrac etməyi planlaşdırırıq. Bütün bunlar bizim Avropa İttifaqı ilə əməkdaşlığımızın strateji çərçivəsinin bir hissəsidir. Biz Azərbaycanın və Avropa Komissiyasının daha yaxın olmaq səylərinə verdikləri daimi dəstəyə görə litvalı dostlarımıza və tərəfdaşlarımıza minnətdarıq.

Düşünürəm ki, işgüzar dairələrin nəzərə alacağı digər mühüm sahə logistika, şəbəkələr və daşımalarda olan böyük potensiala aiddir. Biz daşımalar sektorunu yalnız tranzit gəlirləri baxımından yox, o cümlədən kiçik və orta müəssisələr üçün marşrut boyunca istehsal qurmaq, biznes təmasları yaratmaq, xidmət göstərmək fürsəti kimi görürük.

Bu gün Litva və Azərbaycan öz regionlarında mühüm daşımalar qovşağıdır. Beləliklə, biz Xəzər və Baltik regionları arasında şəbəkə qurmalıyıq və bu, mümkündür. Çünki biz Avropanın enerji xəritəsinə nəzər salsaq, o, əsasən, Azərbaycanın təşəbbüsləri sayəsində kəskin şəkildə dəyişib. Neft və qaz boru kəmərləri tamamilə yeni vəziyyət yaradır. Eyni sözləri daşımalara da aid etmək olar. Biz qonşularımız və tərəfdaşlarımızla yeni bağlantılar yaratmışıq. Biz Bakının dəniz limanı infrastrukturuna böyük yatırımlar edirik. Xəzərdə daha çox yük daşıya biləcək əlavə gəmilərin tikintisinə investisiyalar qoyuruq. Buna görə, hesab edirəm ki, biznes dairələrə bu fürsəti dəyərləndirmək üçün münasib vaxtdır. Yubanmaq lazım deyil, çünki birmənalı olaraq, çox böyük daşımalar imkanları, xüsusən də hazırkı geosiyasi vəziyyətdə əlavə dəyər gətirəcək.

Həmçinin litvalı dostlarımıza məlumat vermək istərdim ki, Azərbaycan iqtisadiyyatı sabitdir, münbit investisiya şəraiti var və o, təbii sərvətlərə əsaslanır. Lakin hazırda, eyni zamanda, əsas hədəf şaxələndirmədir. Düşünürəm ki, biz iqtisadiyyatımızı xeyli şaxələndirə biləcəyik və enerji sektorundan asılılığı azaldacağıq. Baxmayaraq, enerji sektoru enerji təhlükəsizliyimizdə və Avropanın enerji təhlükəsizliyində öz mühüm rolunu oynamağı davam etdirəcək.

İqtisadi göstəricilərimiz müəyyən statistik məlumatlarda əks olunub. Litva şirkətlərini Azərbaycana daha çox cəlb etmək üçün demək istəyirəm ki, bizim xarici borcumuz çox aşağıdır, ümumi daxili məhsulun 10 faizindən də azdır. Milli valyutamız sabitdir. Əminəm ki, sabit qalacaq, çünki xarici ticarət balansında artıqlıq yaranıb. Bu, kifayət qədər böyük həcmdir. Dövlət Neft Fondumuzda topladığımız valyuta ehtiyatlarımız və Mərkəzi Bankın ehtiyatları xarici borcu on dəfədən çox üstələyir. Beləliklə, iqtisadiyyatımızın sabitliyi regional iqtisadi əməkdaşlıq və sərmayə mühiti üçün mühüm amildir, çünki münbit investisiya mühiti təkcə yaxşı qanunvericiliyin yazılması ilə şərtlənmir. Bu, kifayət deyil. Yaxşı biznes imkanlarının, çox dinamik yerli bazarın və qonşu bazarlara çıxışın olması vacibdir. Buna görə, Azərbaycan bazarı genişlənir, əhali artır. Mərkəzi Asiya bazarlarına çıxış təmin edilir. Həmçinin ölkənizin yerləşdiyi regionla güclü bağlantıların qurulması birmənalı olaraq əlavə imkanlar yaradacaq.

Bir sözlə, əminəm ki, bu görüş yaxşı nəticələr verəcək. Artıq qeyd edildiyi kimi, bu gün bir sıra sənədlər imzalandı. Ümid edirik ki, onların hamısı yaxşı nəticələr verəcək və bu cür toplantıların səmərəliliyini nümayiş etdirəcək. Həmçinin bu fürsətdən istifadə edərək, mən Litvanın biznes icmasından olan dostlarımızı Azərbaycana səfərə və dialoqu davam etdirməyə dəvət edirəm.

Çox sağ olun.

x x x

Litvanın iqtisadiyyat və innovasiyalar naziri xanım Auşrine Armonaite biznes forumda çıxış edərək Azərbaycanın Cənubi Qafqaz regionunda Litvanın önəmli tərəfdaşı olduğunu qeyd etdi. Nazir Litvanın iki ölkə arasında əlaqələrin daha da inkişaf etdirilməsində maraqlı olduğunu bildirdi. İki ölkə arasında qarşılıqlı ticarət dövriyyəsinin çoxşaxəli olduğunu qeyd edən Auşrine Armonaite Litvanın birbaşa qarşılıqlı xarici investisiyaların stimullaşdırılmasında maraqlı olduğunu vurğuladı. Ölkələrimiz arasında əməkdaşlıq layihələrinin genişləndirilməsində çoxlu imkanların mövcud olduğunu qeyd edən litvalı nazir Azərbaycanla ən yaxşı təcrübə, ekspert biliyi və uğur hekayələri ilə bölüşməkdə maraqlı olduqlarını dedi.

Azərbaycanın iqtisadiyyat naziri Mikayıl Cabbarov iki ölkə arasında investisiyaların qorunması və ikili vergiqoymaya yol verilməməsi mexanizminin mövcud olduğunu bildirdi, bunun investorların fəaliyyətinə töhfə verdiyini qeyd etdi. Azərbaycan iqtisadiyyatının şaxələndirilməsi hədəfindən danışan Mikayıl Cabbarov ötən dörd ildə ölkəmizin qeyri-neft-qaz ixracının iki dəfə artdığını dedi. Alternativ enerji mənbələrindən danışan nazir bu enerji mənbələrinə keçidin Azərbaycanın iqtisadiyyatına əhəmiyyətli və müsbət təsir etdiyini vurğuladı.

x x x

Biznes forumda hər iki ölkədən iqtisadiyyatın müxtəlif sahələrində fəaliyyət göstərən, ümumilikdə, 80-dək şirkət təmsil olunub.

Xəbəri sosial şəbəkələrdə paylaşın

Bizi sosial şəbəkələrdə izləyin

VİDEO

Vilnüsdə Azərbaycan-Litva biznes forumu keçirilib YENİLƏNİB -2 VİDEO

İspaniya 100 milyonluq mövsümi turist axını fonunda nəqliyyat xaosu ilə üzləşir

İran XİN: ABŞ-la danışıqların bərpası barədə razılaşma yoxdur

Culfada hamilə qadının ölməsi ilə bağlı cinayət işi məhkəməyə göndərilib

Xocalı soyqırımı zamanı həyat yoldaşı öldürülmüş, özü girov götürülmüş zərərçəkən: Gitara ifaçısı olduğumu biləndən sonra dırnaqlarımı çıxardılar, barmaqlarımı sındırdılar

Qırğızıstan klubu daha bir azərbaycanlı futbolçunun keçidini açıqlayıb

® Mərkəzi Gömrük Hospitalının ümumi cərrahı Ümumdünya Sağlamlıq Konqresində təqdimatla çıxış edib

Ali təhsil müəssisələrinə qəbul imtahanlarının nəticələrinin elmi-statistik təhlilinin müzakirələrinə başlanılıb

Şəkidə sürücü sükan arxasında ürəktutmadan vəfat edib

Nərimanov rayonunda suşi emalı müəssisəsində nöqsanlar aşkarlanıb

“CNN Türk”: İnvestorların yeni ünvanı - Azərbaycan

Əbu-Dabi görüşü Prezident İlham Əliyevin diplomatiya sahəsində əldə etdiyi növbəti möhtəşəm qələbəsidir – ŞƏRH

Formula 1: Bakı trası yenidən dünya səhnəsində

14 İyul - xalqın özünə qayıdış tarixidir ŞƏRH

Baş Prokurorluğun sorğusu Konstitusiya Məhkəməsi Plenumunun icraatına qəbul olunub

ADY: Bakı və Gəncə vağzalları istisna, rayonlararası istiqamətlər üzrə kassaların fəaliyyəti mərhələli şəkildə dayandırılır

Azərbaycan millisinin baş məqçisi: Legioner futbolçu yerli oyunçu səviyyəsindədirsə, buraya gəlməsə yaxşıdır

Sabah havanın temperaturu Bakıda 34-38, bölgələrdə 36-40 dərəcə isti olacaq

Gəncə Dövlət Universitetinin tələbəsi Avropa çempionu olub

“Yaşıl yollarla gələcəyə sağlam addımlar” layihəsinə start verilir

Sabiq müşavir: Tarix sübut edir ki, Aİ-yə neft və qazı boru kəmərləri ilə ən etibarlı tədarük edən ölkə Azərbaycandır - MÜSAHİBƏ

Dünya Kamandan Oxatma Federasiyası ilə Azərbaycan arasında beynəlxalq əməkdaşlığın genişləndirilməsi müzakirə edilib

İspaniyada zəlzələ baş verib

Xaçmazda “Məşğulluğa dəstək layihəsi” çərçivəsində ictimai dinləmə keçirilib

Sahibə Qafarova: Milli Məclisin növbədənkənar sessiyasında 45 qanun və qərar qəbul edilib

2024-cü ildə ali məktəblərə qəbul baxımından ən aşağı nəticələr İsmayıllı və Naftalan üzrə qeyd alınıb RƏSMİ

Avropa çempionatında iştirak edəcək Azərbaycan ağırlıqqaldıranları bəlli olub

“Neftçi”nin yoxlama oyunlarındakı daha iki rəqibi müəyyənləşib

Ən yüksək və ən aşağı keçid balı olan ixtisaslar açıqlanıb

OPEC yeni dövlətlərin təşkilata üzvlüyünə açıqdır

Yeni Zelandiya 2034-cü ilədək beynəlxalq təhsil bazarını ikiqat artırmaq niyyətindədir

Avropa birinciliyi: Azərbaycanın 4 boksçusu finala, 6-sı yarımfinala yüksəlib

Media nümayəndələri arasında şahmat turniri keçirilib

Xətai və Xəzər rayonlarında oğurluq edən üç nəfər saxlanılıb

"Bulvarda kino axşamı" adlı yeni layihəyə start verilir

Nizami Tibb Mərkəzi HIMSS-nin beynəlxalq akkreditasiya sertifikatını əldə edib

Azərbaycan bölməsi üzrə abituriyentlərin imtahanda düzgün cavablarının orta statistik göstəriciləri açıqlanıb

I–IV ixtisas qrupları üzrə dövlət sifarişi ilə ali məktəblərə qəbul olanların 53.31 faizi 300–500 bal aralığında nəticə göstərib

Bakıda yerli animasiya layihələri üçün yeni imkan

Donald Tramp Ukraynaya silah tədarükü ilə bağlı plan hazırlayıb

Konstitusiya Məhkəməsi Palatasının növbəti iclası keçirilib

Azərbaycan basketbol millisi Serbiyada təlim-məşq toplanışı keçəcək

Fəlakət və hərbi əməliyyat nəticəsində məhv olmuş evlərlə əlaqədar Torpaq Məcəlləsinə dəyişiklik olunur

“Xüsusi icra məmurları haqqında” yeni qanun layihəsi üçüncü oxunuşda təsdiq edilib

Azərbaycan gimnastları Portuqaliyadakı turniri 10 medalla başa vurublar

Abituriyentlərin topladığı balların statistik təhlili açıqlanıb

Gəncə Dövlət Universiteti dünya universitetlərinin innovasiya reytinqində ilk 100 universitet arasında yer alıb

Şəxsiyyət vəsiqənin dəyişdirilməsi hallarına yaşayış yerinin dəyişməsi əlavə edilir

Türkiyənin 20 vilayətində terrorçuluqda şübhəli bilinən 33 nəfər saxlanılıb

Məleykə Abbaszadə: ADA Universitetində dövlət sifarişli plan yerlərinin açılması nəzərdə tutulur

DİM rəhbəri: Ali təhsil müəssisələri attestatla qəbul imkanına etiraz ediblər

Salatın Xocalıyeva: Ümdə arzum Qarabağın incisi Şuşa şəhərini görməkdir - MÜSAHİBƏ

Avropa İttifaqının Rusiyaya qarşı 18-ci sanksiya paketinin neftlə bağlı detalları açıqlanıb

Gömrük borcunun ödənilməsinə dair yeni qayda müəyyənləşir

Məleykə Abbaszadə: Subbakalarvların qəbul olunduğu ali məktəblər şikayət edirlər

“Müdafiə haqqında” Qanuna təklif edilən dəyişiklik təsdiqlənib

Vəkillər üçün təlim keçirilib

Mövsümi musson yağışları Pakistanda 104 nəfərin həyatına son qoyub

Millinin basketbolçusu: Qazandığımız nəticə Azərbaycan basketbolu tarixinə qızıl hərflərlə yazıldı

Məktəbəqədər təhsilin əhatə dairəsi genişləndirilir

AÇG və “Şahdəniz” qazının 180 milyard kubmetrdən çox hissəsi ixrac edilib

“Media haqqında” Qanuna təklif edilən dəyişikliklər təsdiqlənib

Azərbaycan və Rumıniya Minifutbol Federasiyaları arasında əməkdaşlıq perspektivləri müzakirə edilib

Hindistanda yük maşınının aşması nəticəsində doqquz nəfər həlak olub

Uşaq evinin sakinlərinə dibçəklərə gül əkmək və onlara qulluq qaydaları öyrədilib

Pirəkəşküldə istismar müddəti başa çatmış və istifadəyə yararsız olan döyüş sursatları məhv ediləcək

Külli miqdarda narkotik vasitənin ölkə ərazisinə keçirilməsinin qarşısı alınıb

DİM rəhbəri: Hansı testin neçə faiz cavablandırılmalı olduğunu əvvəlcədən bilirik

Gənclər Kitabxanasında Tovuz döyüşlərinə həsr edilən silsilə materiallar hazırlanıb

“Turan Tovuz”un yoxlama oyunlarındakı daha bir rəqibi məlum olub

Birinci yarımildə Azərbaycanda hasil olunan neftin həcmi açıqlanıb

“Bitcoin”in qiyməti artmağa davam edir

DİM ötən gün keçirilmiş imtahanlarda istifadə olunan test tapşırıqlarının düzgün cavablarını təqdim edib

Azərbaycanı Universiadada təmsil edəcək stolüstü tennisçilər müəyyənləşib

ANAMA: Ötən həftə 81 mina və 240 partlamamış hərbi sursat zərərsizləşdirilib

Rusiya Dövlət Duması miqrantlar üçün əlavə rüsumların tətbiqi haqqında qanun layihəsini müzakirə edəcək

Sahibə Qafarova: Müasir Azərbaycan Ulu Öndərin xalqa məhəbbətinin, Vətən yolunda fədakarlığının əyani təcəssümüdür

Azərbaycanlı-alim: Türkiyəyə məxsus “Van kolleksiyası”nın Rusiyadan qaytarılması tarixi ədaləti bərpa edəcək

Əlilliyi olan 20 minə yaxın uşağa reabilitasiya xidmətləri göstərilib

Naxçıvanda içməli və suvarma su təminatını yaxşılaşdıracaq 16 layihə icra olunacaq VİDEO

Naxçıvanda içməli və suvarma su təminatını yaxşılaşdıracaq 16 layihə icra olunacaq VİDEO

Əcnəbilərin və vətəndaşlığı olmayan şəxslərin olduğu yer üzrə qeydiyyata alınması xidməti “mygov”da təmin olunub

Milli Məclis 13 məsələnin müzakirəsinə başlayıb

Bakı Beynəlxalq Film Festivalına film qəbulu davam edir

Peşəkar mühasib sertifikatı üzrə elektron sınaq imtahanında iştirak üçün qeydiyyat elan olunub

BDU-da elmi seminar: “V Sənaye İnqilabı: mövcud vəziyyət və perspektivlər”

Azərbaycanlı alim Almaniyada TraCEr laboratoriyasında tədqiqatlarda iştirak edib

Donald Tramp: ABŞ Ukraynaya “Patriot” raketləri göndərəcək

Bu ilin ilk 6 ayında kinoteatrlarda 15-dən çox yerli film nümayiş olunub

Həftəsonu polis əməkdaşları 100 kiloqrama yaxın narkotik vasitə aşkarlayıblar

Klublararası dünya çempionatının ən yaxşıları bəlli olub

Gəncə şəhərində keçiriləcək TKT imtahanına qeydiyyat davam edir

Azərbaycanın ornitoloji turizm imkanları Birləşmiş Krallıqda təqdim olunub

BMT artan tariflər fonunda əmək standartlarını qorumağa çağırır

Həftəsonu cinayət törətməkdə şübhəli bilinən 70 nəfər saxlanılıb

Yerli futbolçu “Neftçi” ilə vidalaşıb

Özbəkistan Futbol Assosiasiyası Yoahim Löv ilə danışıqlara başlayıb

Naxçıvanın su hövzələrinə mediatur təşkil edilib VİDEO

Naxçıvanın su hövzələrinə mediatur təşkil edilib VİDEO

Bu ilin birinci yarısında haker qurbanı olan dövlət qurumu əməkdaşlarının sayı açıqlanıb

“Araz-Naxçıvan” daha bir Superliqa təmsilçisi ilə qarşılaşacaq

® Bakıda “Counter-Strike 2” üzrə milli turnir — “BUTA League” keçirilir

Dünya bazarında qızıl və gümüş bahalaşıb