28 MAY - RESPUBLİKA GÜNÜ ANKARADA QEYD OLUNMUŞDUR

27.05.2006 [12:17]
Çap et
A⁺ A^-

AZƏRTAC-ın xüsusi müxbiri xəbər verir ki, 28 May - Respublika günü münasibətilə ölkəmizin Ankaradakı səfirliyi rəsmi qəbul təşkil etmişdir. Mərasimdə Türkiyə Baş nazirinin müavini, xarici işlər naziri Abdullah Gül, millət vəkilləri, Ankara bələdiyyəsinin sədri Məlik Gökçək, hərbçilər, ictimaiyyətin nümayəndələri, Ankaradakı diplomatik korpusun təmsilçiləri, qardaş ölkədə yaşayan azərbaycanlılar iştirak etmişlər.

Respublika günü münasibətilə Azərbaycanın Ankaradakı səfiri Zakir Həşimovu Türkiyə hökuməti adından təbrik edən Abdullah Gül bildirmişdir ki, biz bir millət, iki dövlətik və bu baxımdan Azərbaycanın bayramı Türkiyə üçün də əzizdir. O, ölkəmizin sürətlə inkişaf etdiyini vurğulayaraq, bu yaxınlarda istifadəyə veriləcək Bakı-Tbilisi-Ceyhan neft kəmərinin qardaş ölkələrimizin tərəqqisinə xidmət edəcəyini bildirmişdir.

Sonda səfir Zakir Həşimov, Türkiyə-Azərbaycan parlamentlərarası dostluq qrupunun həmsədri Haluk İpək və Ankara bələdiyyəsinin sədri Məlik Gökçək bayram tortunu kəsmişlər.

28 MAY - RESPUBLİKA GÜNÜ ANKARADA QEYD OLUNMUŞDUR

MÜƏLLİFLƏ ƏLAQƏ

Bölmənin digər xəbərləri