28 MAY - RESPUBLİKA GÜNÜ BERLİNDƏ QEYD OLUNMUŞDUR

26.05.2006 [11:58]
Çap et
A⁺ A^-

AZƏRTAC-ın xüsusi müxbiri xəbər verir ki, Azərbaycanın Almaniyadakı səfirliyi 28 May - Respublika günü münasibətilə Berlindəki “Maritim” mehmanxanasının “Berlin” salonunda rəsmi qəbul təşkil etmişdir. Mərasimdə Almaniyanın dövlət və hökumət təmsilçiləri, bundestaqın üzvləri, xarici dövlətlərin Almaniyada akkreditə olunmuş səfirləri və konsulları, bu ölkədə yaşayan, təhsil alan soydaşlarımız iştirak etmişlər.

Azərbaycanın Almaniyadakı səfiri Pərviz Şahbazov müstəqil respublikamızın yaranması tarixindən, inkişafından, dünya dövlətləri arasında mövqeyindən və beynəlxalq aləmdə gündən-günə artmaqda olan nüfuzundan danışmışdır. Almaniya-Azərbaycan dövlətlərarası münasibətlərin, diplomatik, siyasi, iqtisadi, elmi-mədəni əlaqələrin yüksək səviyyədə olduğu vurğulanmışdır.

Mərasim konsert proqramı ilə davam etdirilmişdir. Almaniyada yaşayıb-yaradan soydaşımız, pianoçu, Essen Konservatoriyasının dosenti Elnarə İsmayılovanın çıxışı alqışlarla qarşılanmışdır.

Qonaqlar YUNESKO-nun dünyanın seçmə mədəni və tarixi abidələri siyahısına salınmış Qobustan qoruğuna həsr olunmuş fotosərgiyə böyük maraq göstərmişlər.

28 MAY - RESPUBLİKA GÜNÜ BERLİNDƏ QEYD OLUNMUŞDUR

MÜƏLLİFLƏ ƏLAQƏ

Bölmənin digər xəbərləri