28 MAY - RESPUBLİKA GÜNÜ TƏBRİZDƏ QEYD EDİLMİŞDİR
Azərbaycan bayraqları, ulu öndər Heydər Əliyevin və Prezident İlham Əliyevin portretləri ilə bəzədilmiş “Pars” mehmanxanasının “Gərdun” zalında təşkil edilən tədbirdə baş konsul Ayxan Süleymanov 1918-ci ildə Şərqdə ilk demokratik dövlətin – Azərbaycan Xalq Cümhuriyyətinin yaranması tarixindən, 1991-ci ildə respublikamızın müstəqilliyinin bərpasından və möhkəmlənməsindən, bu işdə ulu öndər Heydər Əliyevin misilsiz xidmətlərindən söz açmışdır.
Baş konsul Ermənistan-Azərbaycan, Dağlıq Qarabağ münaqişəsinə toxunaraq, Azərbaycanın problemin beynəlxalq hüququn norma və prinsiplərinə uyğun, ölkəmizin ərazi bütövlüyü çərçivəsində həllinə tərəfdar olduğunu bildirmişdir.
A.Süleymanov Prezident İlham Əliyevin rəhbərliyi ilə ölkəmizdə həyata keçirilən islahatlar, qazanılmış uğurlar barədə məlumat vermişdir.
Tədbirdə İran Xarici İşlər Nazirliyinin təmsilçiləri, Türkiyənin Təbrizdəki baş konsulluğunun heyəti, Təbriz Ticarət, Sənaye və Mədən Palatasının üzvləri, ictimaiyyətin nümayəndələri və Azərbaycan vətəndaşları iştirak etmişlər.
Bölmənin digər xəbərləri
