MƏDƏNİYYƏT


Dövlət Bayrağı Günü münasibətilə rəsm müsabiqəsi elan edilib

Bakı, 8 oktyabr (AZƏRTAC). F.Köçərli adına Respublika Uşaq Kitabxanası 9 noyabr – Dövlət Bayrağı Günü münasibətilə “Bayraq mənliyimdir, bayraq kimliyim” adlı rəsm müsabiqəsi elan edib.

Kitabxanadan AZƏRTAC-a bildiriblər ki, müsabiqədə 5-14 yaş arasında olan uşaqlar və yeniyetmələr iştirak edə bilər. Müsabiqəyə göndərilən rəsmlər boya və ya ipək parça üzərində biser, rəngli saplarla tikilə bilər.

İştirakçılar rəsmləri, əl işləri ilə yanaşı özləri barədə müvafiq məlumatları noyabrın 1-dək kitabxananın kütləvi tədbirlər və ya incəsənət şöbəsinə təqdim etməlidir.

Kollaj, fotomontaj və digər formatda rəsmlər qəbul olunmur. Ətraflı məlumatı kitabxananın saytında http://clb.az/html/elanlar.shtml yerləşdirilmiş “Elanlar”dan oxumaq olar.

Müsabiqəyə göndərilən işlər geri qaytarılmır. Təşkilatçılar həmin rəsm və əl işlərindən müvafiq mövzulu tədbirlərdə istifadə edəcəklər.

Qaliblərin adı noyabrın 9–da açıqlanacaq və onlar mükafatlandırılacaqlar.

Rəsmlər münsiflər heyəti tərəfindən qiymətləndiriləcək.

Qaliblərin rəsmləri kitabxananın saytında və “Göy qurşağı” jurnalında yerləşdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.