AZƏRBAYCANIN SƏRBƏST GÜLƏŞ ÜZRƏ YIĞMA KOMANDASI AVROPA ÇEMPİONATINDA BİRİNCİ YERİ TUTMUŞDUR
Bakı, 2 aprel (AZƏRTAC). Azərbaycanın sərbəst güləş üzrə yığması 4 qızıl medalla Avropa çempionatında ən yüksək nəticə göstərmiş komanda olmuşdur. İki gün ərzində 6 medal qazanmış Azərbaycan millisi qitə çempionatında 29 ölkə arasında birinci yeri tutmuşdur.
Xatırladaq ki, yarışın birinci günü Əli İsayev (120 kq) qızıl, Cəbrayıl Həsənov (66 kq) gümüş, Novruz Temrezov (84 kq) bürünc medallara sahib olmuşlar.
Aprelin 1-də döşək üzərinə çıxmış hər üç Azərbaycan pəhləvanı - Zəlimxan Hüseynov (60 kq), Çamsulvara Çamsulvarayev (74 kq) və Hetaq Qazyumov (96 kq) bütün rəqiblərinə qalib gələrək Avropa çempionu tituluna sahib çıxmışlar.
Bölmənin digər xəbərləri
