REGİONLAR


Bərdədə keçirilən qəbul imtahanlarında 1291 nəfər iştirak edib

Bərdə, 21 may, Tahir Ağaməmmədov, AZƏRTAC

Dövlət İmtahan Mərkəzinin mayın 21-də Bərdə rayonunda keçirdiyi Ali təhsil müəssisələrinin III ixtisas qrupu üzrə qəbul imtahanlarında 1291 nəfər abituriyent iştirak edib.

Dövlət İmtahan Mərkəzinin Bərdə regional bölməsindən AZƏRTAC-ın bölgə müxbirinə bildirilib ki, imtahanın keçirilməsi üçün 5 imtahan binasında 89 zal ayrılıb. İmtahanın idarə olunması üçün isə 5 ümumi imtahan rəhbəri, 114 zal nəzarətçisi, 15 imtahan rəhbəri, 15 buraxılışı təşkil edən əməkdaş və 5 bina nümayəndəsi cəlb edilib.

Kütləviliyin qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib.

İmtahanlar mövcud təlimata uyğun keçib və hər hansı qanun pozuntusuna yol verilmədən başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.