Bakı, 14 fevral, AZƏRTAC

"Yazarlar" jurnalının Azərbaycan Milli Qəhrəmanı şəhid Rövşən Hüseynovun xatirəsini əbədləşdirmək məqsədilə "25 yarpaq" layihəsi çərçivəsində elan etdiyi müsabiqənin qalibi gənc yazıçı Leyla Yaşar olub.

AZƏRTAC xəbər verir ki, bu münasibətlə gənc yazarın "Daş adam" adlı ilk kitabı çap edilib. Kitabda beş hekayə -"Daş adam", "Yaralı çəkmə", "Ömrün bitdiyi gün", "Şəhid məzarı" və "Məzarlıqda yanan işıq" yer alıb.

Kitabda oxuculara təqdim olunan hekayələrdə vətən həsrəti, torpaq nisgili, mərd oğulların qəhrəmanlıqları öz əksini tapıb.